與冷鋒競賽

星期五, 2017年11月24日

上週末，天文台有四位壯士參加每年一度的長途遠足籌款活動，要在四十八小時內走完全程一百公里的麥理浩徑。

輝–參賽者、天氣預報員
泰–參賽者、電視天氣節目主持

日期：11月17日（星期五）下午
地點：西灣山附近

輝：終於捱過第一個難關西灣山，你嘅狀態點呀？
泰：都幾辛苦。雖然今日天色好好，不過感覺比之前一兩日暖好多，仲要細風同翳焗，啲汗搞到全身濕晒。
輝：係呀，其實呢個係冷鋒嚟之前經常發生嘅情況，細風而且溫度比較高，身體比較難散熱。記住補充多啲水份，仲有漫漫長路要走㗎！
泰：知啦，唔好講咁多，留返啲氣繼續行啦！

第一天的天色雖然不錯，但卻頗為悶熱。（攝於麥理浩徑第二段）

接著的多個小時，幾位壯士努力走過雞公山、馬鞍山、筆架山、針山和草山，其間冷鋒逐漸靠近香港，雲也越來越多。在星期六黃昏，他們來到這次活動的最高點—大帽山。

日期：11月18日（星期六）黃昏
地點：大帽山天文台雷達站附近

泰：突然咁大風，吹到周圍都呼呼聲，涼咗好多呀！
輝：好彩我哋有著風褸。其實行到城門水塘嗰陣，北風已經開始大。早幾日我喺預報中心畀嘅預測，都講咗今日會有冷鋒過境，之後會變得大風，又涼又有啲雨。喺山頂咁大風，風寒效應會令我哋感覺更加涼㗎。
泰：喂，唔好講咁多，快啲行啦！停喺度唔郁感覺仲涼呀！
輝：哈哈！知道喇！

冷鋒到後，星期六晚至星期日早上下著細雨，山路也濕遍，天氣越來越涼，但卻無損壯士們的鬥志。最後他們在星期日早上抵達元朗大棠終點，以四十一小時完成了一百公里的挑戰。

在細雨中抵達元朗大棠終點。

後記

今年一百公里遠足的天氣特點是先暖後涼，冷鋒來臨前和抵達後的溫差頗大，身邊不少朋友表示要比以往用更多時間來完成這路程。所以，參加越野賽事除了事前要有充足的體能訓練，掌握天氣情況亦是非常重要的。

沈志泰    羅曉輝